XYSTARCHA

XYSTARCHA

in Veterib. Gymnasiis, a Gymnasiarcha secundum tenens locum, ambobus Xystis, stadio et denique cunctis Athletarum exercitationibus praeerat, ut scriptum reliquit Tertullianus, libr. ad Martyres; et ex Inscr. conicitur, quae Romae in Foro Traiani in basi statuae, Graecis literis notara, Latine sic habet: Demetrium. Hermapolitam. Alexandrinum. Pancratiftem. Periodi. victorem. Palaestritam. admirbilem. Atiptam. Pontificem. totius. Xysti. perpetuum. Xystarcham. balneis. Augusti. praefectum. patrem. M. Aurelius. Asclepiades. qui. et. Hermodorus. Alexandrinus. Hermapolita. Magni. Serapidis. Aedituus. Pancratiastes. Periodi. victor. Alipta. quem. nemo. detrudere. poterat. inculpatus. Xystarcha. silius. Pontifex. totius. Xysti. perpetuus. Xystarcha. et. Balneis. Augusti. praefectus. A' quo, Mercurialis iudiciô. diversus erat Praefectus luctae, a Galeno Ε᾿πιςτάτης παλαίσματος vocatus, qui, perinde ac Paedotriba quidam, luctantium duntaxat Magister erat, cum Xystarchus plurium exercitationum moderator, victorumque et omnium praemiorum decernendorum Judex foret. Noininatur et ab Hippocrate παλαιςτροφύλαξ, quasi Custos palaestrae, Epidem. l. 6. sect. 7. prope fin. quod non solum ipse luctaretur, verum etiam palaestrae curam haberet. Idem ab Agonistrarcha distinguendus, qui certaminum publicorum praefectus fuit, et in Amphitheatris Gymnasiisque, ubi Athletae, in publicos Ludos prodituri, prius exercebantur, munus suum obibat: memoratus in vet. Inscr. Apollini. Invicto. sacrum. M. Aurelius. M. Aug. lib. Apollonius. Agonistarcha. Cominodianus. Post quos Gymnastes fuit, Xenophonti Progymnastes, Platoni Paedotriba appellatus: Aderat et Sphaeristicus, servi denique fricandis corpot: bus destinati, itern Reunctores et Mediastini, de quibus omnibus vide Hieron. Mercurialem, de Arte Gyma. l. 1. c. 12.